حبة احساس بشباب ضايع تايه محتاس

احساس , بشباب , تايه , حبة , ضايع , محتاس

حبة احساس بشباب ضايع تايه محتاس

ولا يوم بنخاف .. ولا حتى نكش
بنقولها كده على طول ف الوش
وكلامنا كلام رجاله تمام
لا بنعرف نكدب ولا بنغش

االلى ف حرمان .. ولا شافش حنان
مين بس يلومه على الطغيان
ده شباب مظلوم .. عايش محروم
مكتوم جواه نار البركان

حا تقول عفاريت .. لم الكتاكيت
خليهم يا الله يخشوا البيت
بتلوم على مين .. واحنا العرفين
النار بتشعلل ب الكبريت

مش لحم يبان .. ويشوفه جعان
صايم بالغصب بقى له زمان
وان مد ايديه .. او زاغ بعينيه
تصرخ وتقول اختك يا جبان

لبسها نقاب .. لبسها حجاب
واقفل على بنتك يا ابا الباب
ولا انت تحب .. ياكلها الدب
وساعتها تقول يا وحوش با كلاب

بصراحه يا ناس .. حبة احساس
بشباب ضايع تايه محتاس
عايزين له حلول .. تمشى وعلى طول
ده لامته حا يفضل كده منداس

مستقبل مصر .. يارجال القصر
صايع م الصبح لحد العصر
اللى بجرانين .. واللى بفزلين
عايزين قرشين يهربوا من مصر

ضاقوا من الفقر .. و م الاحوال
ضاقوا من السجن .. و م الاغلال
من مد ايديهم والله سؤال
مكسوره عينيهم لا جل المال

انا عندى عتاب .. لو بينا حساب
بضمير صادق وماهوش كداب
مخلوق مشلول .. مقهور مزلول
مش مدفوع دفع على الارهاب

مش بالتحريم .. ولا التعتيم
ليه نحارب قلب وعقل سليم
عايزين اصلاح .. مش صوت ونباح
حا نصفى الجو حا نلقى نسيم
حا نصفى الجو حا نلقى نسيم

---

`l`~` `R`l`m`R`m `~`v`~`R`~ `e`Ri.`d `I`Ri.ig iS`l`I`R`m `~`v`~`R`~ `I`Ri.ig `l`~` `e`Ri.`d